1137157

ساره النور :

للتواصل مع صفحة الكاتب على الفيسبوك الرجاء إضغط هنا

**

بتحداك وأوعى تشكك فى إيمانى..

بتحداك وبرسم خط الوجع الفاصل بين حسراتك وحق أحلامى..

بتحداك شان ترجع تانى..

خاطر المنيه..

شئ من غنيه..

كما التاريخ..

صوت اجراسك وكمنجاتك.. 

نغم الوتر الفايض ذاتك..

لحناً منه وفيه صفاتك..

وان كان طول بيهو الزمن وفاتك..

حتماً يرجع شان جنياتك..

 

***

بتحداك بي نور جواني..

بحق الريده الليك هزاني..

بتحداك شان ترجع تانى..

شئ من بسمه..

 حكاية رسمه..

ريشة أملك ولون الفرحه..

أزرق نيلك وضوء القمره..

خضرة وادى وطينك لمحه..

ورغم قساوة الزمن وعناده..

أبصم ووقع لينا اللوحه..

***

بتحداك إنسان متمرد وزول حقانى..

بتحداك وبهزم شبح الخوف العشعش وبانى..

بتحداك شان ترجع تانى..

وأوعى تشكك فى إيمانى..

تعليقات الفيسبوك

5 تعليقات

اترك تعليقاً

‫شاهد أيضًا‬

دخان

يا عين يا عنية يا كافرة يا نصرانية.. عين الفتاة تقد الوطا.. عين الصبي سيفاً مضي.. العين مس…