shepherd1

فيصل خليفة :

للتواصل مع صفحة الكاتب على الفيسبوك الرجاء إضغط  هنا

**

سارِح

وساعى عِجول

سعيّتو ومِى سَعيّة زُول

يقوم من نَدهة الأذان

مع العَجّال مُراح هِيل ضان

طَلقهِن بارَن ابعشرين

وحاشهِن من طجارب الزين

هَب بَعراتو سوّىَ الشاى

كَب كُبايتو قام قُوقاى

هيا المفدوعه عاشقِك جَن

وحاتِك هسّه متمحِّن

وين لاقاكى دُوبىَ وغَن

اَنم من نن اَنم من نن

هيا المفدوعه وين نلقاك

سُواة الصِيد شقى البِبراك

عُيون ظبيه وضمير مُسواك

هواك حَنداك

اَنم من نن اَنم من نن

وينشّرن وينصّرن

وينصّرن وينشّرن

يَمن شِبعَن

شَدَّ حُمارتو مُتراوِح

عَديل لاطاشّى لارآيِح

زريبتو الفى طرف بِيتو

خدارو وحَلّتو وزِيتو

دَبارتو وإبرتو وخيتو

وسايرهِن يَمن دَخلن

سعاهِن لللحم والسُوق

مى سِعايةً قصِدها لَبن

تجيهو لى سِمايه

او بتضحّي

او جزّار

كرامة حاج

يفِك مُحتاج

رَضى وغنيان

لو مَديون ولو عيّان

مابتشوفو فى لمّه

ومابلاقيكَ فى صِيوان

ماونّاس

ولاحدّاس

لا مرّاق

ولا كوّاس

مُراحو حُمارتو والكَلّوب

وعرّاقيهو والمَركوب

خلاهو و البِيت

وحَب شاهيهو والكِبريت

صُوت دُوباى

وبرّاد شاى

مِطيرِق نِيم

وعُود مُسواك

صَعوطو وحُقة التُمباك

نَقرها و سَف

جَفلت بَهمه فَز وخَف

قرعها وعاد

لَكز كِبريتو باقى أعواد

ودَس فُولات بَهلهِن قاد

عزم لى اتنين مزارعيه

جو قاطعين فوقو مُتراوحين

نقرِف نقرفوك يافُول

وسولفوا زِين

جاهلاً للبشير ود طه

خَش بى بقرو واطاتى

مسوِّى رويحتو سرّاب ليل

وهَمباتى

وحاة إسم الله كان عاوَد

يكون خاتّى

وادِع وادعوهو وفاتوا

فوق بَهماتو

عند مِرحاتو

جِيبو الحُقه

وايدو عصاتو

هيا االمفدوعه وين القاك

هيا الجاهله ام ضمير مُسواك

شقى البِبراك

هَواك حَنداك

اَنم من نن اَنم من نن!

تعليقات الفيسبوك

اترك تعليقاً

‫شاهد أيضًا‬

ذُوق

دا من ذوقِك ومن كُتر اللطافه الفيك ومن كَم الحلا الفوقِك دا من ذوقِك.. حركتى ولاخطيره شديد…