24-8

عزام عبد العاطي :

الكون خلالك …

درجة خافتة من البنسفج

وابتسامة .. وطرف حاني ..

وغيمة تشبه لون عيونك ..

وضل .. ونسمة ..

ورمش محتاجك تغمدي

شان يبل شوق رمش تاني ..

وانتي بت وعد ..

انعتاقك من ضمير الريح ..

وتعريفك ضمير ..

البنفسجك البيكسر

قاعدة الضو الأساسية ..

البياض أس النوايا ..

إذا البنفسج أم بتنجب

عندما تلبس سماحتك

وردتين والتالتة وردية ..

وتسابق ريحتك انتي علي الحقول ..

أو قول حديقتين من قرنفل ولازورد ..

الكون خلالك ريحتو ريحتك ..

وطعمو طعمك ..

البنفسجك البيطغي علي الحقايق ..

والتصاوير ..

والمجازات ..

والخيالات ..

والأماني ..

الكون خلالك زي صداك ..

صوتو صوتك ..

وصورتو صورتك ..

الحمايم ماشرح خاطر المسافة

هديلا لو ما غنتك ..

وهمس رفرفة

أجنحة سرب العصافير

للغمايم ضحكتك ..

الكون خلالك كون خلالك ..

البنفسجك البحدد

طابع ألوان قوس قزح ..

تعليقات الفيسبوك

اترك تعليقاً

‫شاهد أيضًا‬

قراءة نقدية لرواية خرائط

بقلم: فائز حسن   عن الكاتب: نور الدين فارح كاتب وروائي صومالي يكتب بالإنجليزية ولد في…